Valgeir Gestsson

Póstnúmer:
101

Fjölskylduhagir:
Einhleypur og barnlaus

Átt þú bíl:
Nei, enda hef ég aldrei tekið bílpróf

Uppáhalds staður/borg:
Reykjavík og Roskilde

Hvernig ferð þú ferða þinna:
Þessi misserin er Strætó að láta í minnipokann fyrir reiðhjólinu mínu og göngutúrum

Hvað finnst þér um samgöngumál á stór-Reykjavíkursvæðinu:
Mér finnst að þau gætu verið í betra standi, en vandamálið felst í heildarskipulagi borgarinnar. Mér líkar illa við að í hvert sinn sem á að byggja eitthvað þá sé búið til nýtt hverfi sem er eins og kúla í laginu og engin tvö úthverfi geta nokkurntímann tengst. Þetta leiðir til þess að allir þurfa að reka bíl(a) því fótgangandi fólk á ekki séns í þessar vegalengdir, það verður svo til þess að risastórar stofnæðar þarf til að láta bílana flæða hratt og vel. Í kringum þær götur fer svo mikið landssvæði til spillis því enginn vill byggja eða búa nálægt þeim. Ástæðan fyrir því að ég hef ekki minnst á Strætó í þessu svari er sú að það fyrirtæki er farið að veita svo lélega þjónustu að almenningsvagnar eru hægt og rólega að verða óraunhæfur fararmáti.